د انرژي معینیت اونیزه تخنیکي او اداري ناسته ترسره شوه
دغه ناسته د اوبو او انرژي وزارت د دفتر عمومي رئيس او د انرژي معینیت د غونډو وارسي کوونکي محترم قاري محمد عبدالعزیز عزیز تر مشري لاندې د دغه معینیت د رئيسانو، سلاکارانو او یو شمېر نورو تخنیکي مسؤلینو په ګډون ترسره شوه.
په دغه ناسته کې د برېښنا انرژي په سکتور کې د شته ستونزو د پیژندلو او د نوموړو ستونزو د هوارولو په موخه د وړاندیز شویو حل لارو د طرحې په هکله د یو پرزنتیشن په بڼه اړین معلومات وړاندې شول او د بحث او اندونو تر تبادلې وروسته د نوموړې طرحې د وروستي کولو او عملي کولو په تړاو اړینې پریکړې وشوې.
همدارنګه د غونډې په دوام کې د NTA متخصصینو د کاري کړنلارې او د انرژي معینیت د یو شمیر نورو تخنیکي او اداري موضوعاتو په هکله بحث ترسره شو او د غونډې د غړو د اندونو له وړاندې کولو وروسته د هغو د عملي کولو په برخه کې اړین تصمیمونه ونیول شول.
