د اوبو حیاتي مادې څخه په آګاهانه ډول د ګټې اخیستنې په موخه دوام داره هڅې
د اوبو او انرژي وزارت د کارمندانو لپاره کوم درې ورځنی د عامه پوهاوي پروګرام چې د اوبو د مدیریت، په سمه توګه ورڅخه ګټه اخیستنه او د اوبو د سپما په موخه په لاره اچول شوی وو، پای ته ورسېده.
په یاد پروګرام کې، د اوبو او انرژي وزارت کارمندانو ته د ځمکې لاندې اوبو سرچینو د وضعیت، په ورځني ډول د اوبو سرچینو د کمښت د لاملونو، د یادې حیاتي مادې څخه په ناسمه توګه ګټه اخیستنه او په ورځني ډول ور څخه د ګټې اخیستنې د سپما په لاروچارو باندې د ویناوو او بشپړ پرزنټیشنونو په وړاندې کولو سره، لازم معلومات وړاندې شول.
د اوبو او انرژي وزارت د اوبو سرچینو او د اوبو د تنظیم چارو عمومي ریاستونو مسؤلینو د دې پروګرام د پراختیا څخه خبر ورکړ او ویې ویل ، ټاکل شوې ده چې په راتلونکي کې به د اوبو د سپما په هکله د عامه پوهاوي پروګرام په مسجدونو، مدرسو، ښوونځیو او پوهنتونونو کې ترسره شي،ترڅو ټول خلک د اوبو سرچینو د وضعیت څخه معلومات ترلاسه کړي او هر څوک د دې ارزښتناکه مادې په سپما کې خپل ځان مسؤل وګڼي.
