تخنیکی معین د پروان او کاپیسا ولایتونو څخه لیدنه وکره!
د اوبو د چارو تنظیم ملي ادارې تخنیکي معین، انجنیر احمد ویس بصیري او ورسره مل یو شمیر ریسانو په پروان ولایت کې د وروستیو سیلاب ځپلو سیمو څخه لیدنه وکړه.
ښاغلي بصیري په دي سفر کې د وروستیو سیلاب ځپلو سیمو او خلکو وضعیت څخه له نږدي وڅاره او د موجوده وضعیت په اړه یې د پروان والي ښاغلي فضل الدین عیار، د پروان فرعي سیندیزې حوزې له ریس انجنیر رفیع بهمن او د ولایت نورو مسؤلو چارواکو سره هراړخیز بحث درلود.
د اوبو د چارو تنظیم ملي ادارې تخنیکي مرستیال د لا ښې همغږۍ رامنځته کولو او د سیلابونو څخه د لا ډیرو تخریباتو رامنځته کېدو مخنیوې، عملي لارو چارو په موخه د ملي پراختیا شرکت له ریس عبدالرحمن عطاش سره بحث او د نظریاتو تبادله وکړه او په دي برخه کې یې تخنیکي ټیم مؤظف کړ چي ژر تر ژره د پروان ولایت عمومي کانال هر اړخیز او دقیق مطالعات او ارزونې د ټولو اسنادو سره مل د یوې اونۍ په ترڅ کې ملي پراختیا شرکت ته وسپاري.
همداراز نوموړې د پروان ولایت فرعي سیندیزې حوزې څخه وغوښتل چي تر تهدید لاندې سیمي مشخصې او د سیلابونو مخنیوي په موخه د چکدمونو پروژو عملي کار او تطبیق په موخه سروي او دیزان چاري ترسره کړي.
کاپیسا ولایت ته سفر
د اوبو د چارو تنظیم ملي ادارې تخنیکي مرستیال ښاغلي انجنیر احمد ویس بصیري د کابل سیندیزې حوزې عممومي ریس آغلې انجنیر فومن فروغ، انجنیر نقیب الله فقیري د انجنیري خدماتو او اوبیزو تاسیساتو ریس او د دي ادارې ځینو نورو ریسانو په ملتیا د سیلابونو تخریباتو پیژندنې او ارزونې په موخه کاپیسا ولایت ته سفر وکړ.
د اوبو د چارو تنظیم ملي اداري تخنیکي مرستیال په دي سفر کې د کاپیسا له مرستیال والي ښاغلي عزیزالرحمن تواب او د دي ولایت له یو شمیر نورو مسولینو سره ولیدل او د موجوده وضعیت څېړلو او د سیلابونو تخریب، مخنیوي په موخه یې سره خبري اترې وکړي.
ښاغلي بصیري د سیلابونو په کنټرول کې د چکدمونو مفیدیت له نږدي ولید او د ښکتنې پنجشیر فرعي سیندیزې حوزې له ریاست څخه یې وغوښتل تر څو ټولې هغې سیمي چي د سیلابونو احتمال پکې ډیر وي ژر تر ژره سروي کړي.
نوموړې تاکید وکړ چي د چکدمونو ۱۱ پروژې چي په تدارکاتي مرحله کې قرار لري، باید ژر تر ژره په آسیب پذیره سیمو کې تطبیق شي. د یادولو ده چي د کاپیسا مرستیال والي او یو شمیر نورو محلي چارواکو د سیلابونو په کنټرول کې د چکدمونو اعمار نتیجه مؤثره وبلله او د اوبو چارو تنظیم ملي ادارې څخه یې د مننې ترڅنګ له تخنیکي مرستیال څخه وغوښتل چي د سیلابونو تهدید لاندې ساحاتو کې دي د چکدمونو لا ډیري پروژې عملي کړي.
همداراز، ښاغلي بصیري اړوند چارواکو ته هدایت ورکړ چي د دي ادارې ټوله سنګینه ماشینري چي دمګړۍ هم د خلکو په خدمت کې ده، د ستونزې تر هواري پوري خپل کار ته ادامه ورکړي.
