د اوبو او انرژي محترم وزیر صاحب د انرژي په نړیوال ۱۷ فورم کې د ګډون په موخه سعودي عربستان ته په سفر ولاړ
۲۷/۴/۱۴۴۸ هـ.ق مطابق ۱۸/۷/۱۴۰۵ هـ.ل
د افغانستان اسلامي امارت د اوبو او انرژي وزیر محترم الحاج ملا محمد یونس آخندزاده صاحب، نن، شنبه، د سعودي عربستان پلازمینې، ریاض ښار ته د انرژي په نړیوال ۱۷ فورم کې د ګډون په موخه روان شو.
ټاکل شوې ده، چې په دغه نړیوال فورم کې د شاوخوا ۱۰۰ هېوادونو د وزیرانو په کچه استازي ګډون وکړي او د انرژي په برخه کې پر اړینو موضوعاتو، همکاریو، فرصتونو او د تجربو شریکولو په هکله بحث او د نظرونو تبادله وکړي.
د انرژي په دغه نړیوال فورم کې د اوبو او انرژي وزیر صاحب ګډون د انرژي په برخه کې د نړیوالو تجربو د شریکولو، د هېوادونو ترمنځ د اړیکو د پیاوړتیا او پراختیا او د افغانستان د انرژي سکتور لپاره د همکاریو د راجلبولو لپاره یو مهم فرصت ګڼل کېږي.
