غزني ولایت کې د شېراباد کانال اوکوچنې بند چارې پیل شوې
۱۴۴۸/۲/۱۰هـ ق مطابق ۱۴۰۵/۵/۳هـ ل
د غزني ولایت قره باغ ولسوالي اړوند د شېراباد کانال او کوچنې بند د جوړېدو چارې د غزني ولایت مقام ځانګړي استازي مولوي اطاعت صاحب، د غزني سیندیزې فرعي حوزې رئیس مولوي عبدالغفار آخندزاده صاحب، د قره باغ ولسوال مولوي نورالله اتل، یو شمیر مخورو او د سیمې ګڼ شمېراوسېدونکو په شتون کې پیل شوې.
د شېراباد کانال ۶۱۴۷ متره اوږدوالي، ۴ پلچکونه،۴ سوپر پیجونه،۱۰ اوبو خورو په درلودلو سره د ۰.۵ متره مکعبه اوبو په ثانیه کې د تېرېدلو ظرفیت لري چې چارې به یې د ۱۵ میاشتو په موده کې بشپړې شې.
همداراز د شېراباد کوچنې بند د ۸ متره لوړوالي، ۵۸ متره اوږدوالي په درلودلو سره ۱۰۰ سل زره متره مکعبه اوبو د ذخیره کولو وړتیا لري چې چارې به یې د ۶ میاشتو په موده کې بشپړې شې.
چې د دغو پروژو چارې د ۲۶ میلیونه افغانیو په مالی لګښت د غزني سیندیزې فرعي حوزې ریاست تر څارنې لاندې پر مخ وړل کېږي.
په یادو پروژو کې لسګونه کسانو ته د کار زمینه برابره شوې چې په بشپړېدو سره به یې ۵۰۰۰ زره جریبه ځمکه خړوبه، د ځمکې لاندې اوبه تغذیه، چاپیریالي ښکلا او د اقلیمی بدلون منفی اغیزو پر وړاندې مثبت رول ولري.
