افغان سادات شرکت ته د ۱۲۰ کیلو واټه حرارتي برېښنا د تولید جوازلیک ورکړل شو
دغه جوازلیک د اوبو او انرژي وزارت د برېښنا انرژي چوپړتیاوو د تنظیم عمومي ریاست تر چتر لاندې د برېښنا مارکیټ حقوقي ریاست له لوري د نوموړي شرکت مسؤلینو ته ورکړل شو.
د برېښنا مارکیټ حقوقي رئيس محترم خلیل الرحمن فاروق د دغه جوازلیک ورکړه د انرژي د تولید په برخه کې د قانون پليکول، روڼتیا او چوپړتیاوو غورهوالی وباله او ټینګار یې وکړ، چې د جوازونو صادرول د هېواد د انرژي سکتور د تنظیم او پراختیا په برخه کې اړین رول لري.
د یادونې وړ ده، چې د برېښنا مارکیټ حقوقي ریاست یو له بنسټیزو دندو څخه په هېواد کې د برېښنا انرژي په برخه کې فعالو شرکتونو ته د انرژي د تولید، وېش، لېږد، صادراتو او وارداتو په برخه کې د سکتوري جوازونو صادرول وي. په دې برخه کې الحمدلله، دا ځل د حرارتي برېښنا د تولید جوازلیک افغان سادات برېښنا رسونې شرکت ته ورکړل شو. د دغه جوازلیک د مفاد پر بنسټ، افغان سادات شرکت اجازه لري، چې تر ۱۲۰ کیلو واټه حرارتي برېښنا تولید او په دې برخه کې خپلو فعالیتونو ته دوام ورکړي.
