لوګر ولایت کې د کاریزونو د بیارغونې او پاکاري پروژو د چارو له بهیر څخه څارنه ترسره شوه
د لوګر د اوبو او انرژي ریاست مسؤلینو د هغه ولایت د مرکز اړوند د محمد غني او زرداد کاریزونو د بیارغونې او پاکاري چارو له بهیر څخه څارنه وکړه او اړوندو مسؤلینو ته یې د چارو د غوره کیفیت په موخه اړینې لارښوونې وکړې.
د نوموړو پروژو چارې چې د یونیسکو ادارې په مالي لګښت د لوګر د اوبو او انرژي ریاست تر څارنې لاندې پرمخ وړل کېږي، پکې لسګونو کسانو ته د کار زمینه چمتو شوې ده.
