پکتیا ولایت کې د تاند غړک د اوبو ذخیروي بند لومړنۍ سروې ترسره شوه
د پکتیا د اوبو او انرژي ریاست مسؤلینو د دغه ولایت په احمد آباد ولسوالي کې د تاند غړک د اوبو ذخیروي بند لومړنۍ سروې ترسره کړه.
د دغه بند په جوړېدو سره به شاوخوا ۱۲۰۰ هکتاره کرنیزه ځمکه خړوبه او د ځمکې لاندې اوبه هم پیاوړې شي.
په دغه سروې کې د بند د سیمې ټوپوګرافي، هایدرولوژیکي، جیولوژیکي، چاپيریالي، کرنیز او ټولنیز ارقام را ټول شول.
