د اوبو او انرژي وزارت د انرژي معین د آریا افغان خیریه بنسټ له مسؤل او د اقتصادي چارو له یوه کارپوه سره وکتل
د اوبو او انرژي وزارت د انرژي معین ښاغلي مولوي عارف الله عارف د خپل کار په دفتر کې د آریا افغان خیریه بنسټ له مسؤل ښاغلي انجنیر انس او د کابل پوهنتون د پخواني استاد او د اقتصادي چارو کارپوه ښاغلي شیر آغا بیانزي سره وکتل.
په دغه لیدنه کې، په هیواد کې د انرژي د پراختیا، د انرژي د پراختیا له لارې د هیواد د اقتصاد د ودې او په افغانستان کې د انرژي د تولید د پراختیا په برخه کې د خصوصي سکتور د پانګونې پر ارزښت بحث او د نظر تبادله وشوه.
د اوبو او انرژي وزارت د انرژي معین ښاغلي مولوي عارف الله عارف په افغانستان کې د انرژي د تولید په برخه کې د شته سرچینو او ظرفیتونو په هکله خبرې وکړې او د انرژي سکتور په برخه کې یې د هر ډول همکاري څخه هر کلی وکړ، او ټینګار یې وکړ چې ګډه همکاري باید په عملي ډول پيل شي.
په ورته وخت کې، ښاغلي بیانزي د ملي او نړیوالو خصوصي سکتورونو د پانګونې د اهمیت او د برېښنا د پراختیا په برخه کې د هغې د رول په اړه خبرې و کړې او د اوبو او انرژي وزرات معین ته یې د پانګوالو د جلبولو په برخه کې د همکاري ډاډ ورکړ.
