د اوبو او انرژي وزارت سرپرست وزیر زابل ولایت ته په رسمي سفر تللی دی
د اوبو او انرژي وزارت سرپرست وزیر، ښاغلی ملا عبداللطیف "منصور" نن د یوه رسمي سفر په ترڅ کې زابل ولایت ته تللی او هلته یې د زابل سیندیزی حوزي له رئیس او د یاد ولایت له کفیل سره و کتل.
د زابل سیندیزي حوزي رئیس، ، ښاغلی مولوي عبدالکریم ذالفقار د اوبو او انرژي وزارت سرپرست وزیر، ښاغلي ملا عبداللطیف "منصور" ته د ښه راغلاست ترڅنګ، د یاد ریاست شته ستونزي او وړاندیزونه یې د وزارت رهبري ته وړاندې کړل.
د زابل سندیزي حوزي رئیس په زابل ولایت کې د روانو پروژو په اړه د اوبو او انرژي سرپرست وزیر ته هر اړخیز معلومات وړاندې کړل او د شته ستونزو د هوارولو لپاره د هدایاتو غوښتونکی شو.
په ورته وخت کې، د اوبو او انرژي سرپرست وزیر، ښاغلي ملا عبداللطیف "منصور" په هیواد کې د آمریکایي او ناټو ځواکونو د ماتې او د هیواد د بشپړې خپلواکي تر لاسه کولو په مناسبت، یاد رئیس او ټولو مجاهدینو ته مبارکي وړاندې کړه.
له هغه وروسته، د اوبو او انرژي وزارت سرپرست وزیر وویل: " چې د مالیې وزارت د پراختیایي پروژو د پیلیدو لپاره د بودجې په برابرولو باندې بوخت دی او د پروژو تر ارزولو وروسته به په ټول هیواد کې د دې پروژو چارې پيل شي.
د دې سفر په لړ کې د اوبو او انرژي سرپرست وزیر، د زابل ولایت د ولایت د مقام له کفیل ملا محب الله آخوند سره هم کتنه تر سره کړه.
ښاغلي وزیر تر هرڅه دمخه د زابل ولایت کفیل او مجاهدینو ته د هیواد د بشپړې خپلواکې تر لاسه کولو په مناسبت مبارکې وړاندې کړه.
تر دې وروسته، دواړو لورو د علاقي وړ موضوعاتو باندې بحث او تبادل نظر وکړل او دهیواد د پرمختګ او هیوادوالو د سوکالي په اړه یې د هر اړخیزه هلوځلو د جاري ساتلو هوډ څرګند کړ، ترڅو هیوادوال مو د اسلامي نظام په سیوري کې د هوسا او بسیا ژوند خاوندان شي.
