د اوبو پراختیایی پروژې لپاره د پانګوونې پلان ترتیب کولو د دویمې ورځې پایلې
د هیواد د فرعي سیندیزو حوزو کې د اوبو پراختیایی پروژو لپاره د پانګونې هراړخیزه پلان د جوړولو په موخه د عمومی او فرعی سیندیزو حوزو رییسانو په ګدون سره د سه شنبه په ورځ (د مرغومی ۳ مه نیټه) په اوبو او انرژي وزارت کې پیل شوی وه په دوهمه ورځ کې د کانالونو اطلاعاتی بانک، د سیندیزو فرعی حوزو د GIS ټکو تثبیت او جلا کولو په اړه د کاري گروپی په توګه ترسره شوه.
په اوبو چارو کې د اوبو او انرژي وزارت سلاکار ښاغلی انجنیر فرهاد نورزی د کانالونو نقشه چمتو کول او د اوبو پراختیایی پروژې لپاره د پانګوونې پلان برابرول څخه اطمینان وړ وبلل او زیاته کړه: د کانالونو اطلاعاتی بانک چمتو کول، د سیندیزو فرعی حوزو د GIS ټکو تثبیت او جلا کول او د روانو پروژو او د پلان شوی پروژو موقعیت تشخیصول د هغو موضوعاتو څخه دی چې تر دې دمه د کاري گروپی په توګه ترسره شوی.
د یادونې وړ ده چې د اوبو پراختیايي پروژو کې د پانګونې لپاره د هر اړخیز پلان رامنځته کولو په موخه د پنجشنبې ورځې پورې دا پروګرام دوام لري.
