د اوبو او انرژي وزیر د کندهار ولایت د لوړې ارغستان بند له سیمې څخه لیدنه وکړه
٢٦ رمضان ١٤٤٧ هـ ق
٢٤ حوت ١٤٠٤ هـ ل
د اوبو او انرژي وزیر محترم الحاج ملا محمد یونس آخندزاده، چې د وزارت د انجنیري خدمتونو عمومي رئیس انجینر اسدالله عمار، د قراردادي شرکت مسؤل او د انجنیري تخنیکي ټیم یې ملتیا کوله، د کندهار ولایت د ارغستان ولسوالي د لوړې اوبو بند له سیمې څخه لیدنه وکړه.
وزیر صاحب د قراردادي شرکت مسئولینو ته هدایت وکړ چې د امکان سنجي مطالعاتو چارې دې په درېو محورونو باندې ژر تر ژره پیل کړي، چې له هغو څخه به بیا یو محور انتخابېږي.
یاده دې وي چې د لوړې اوبو بند د امکان سنجي مطالعاتو او تفصیلي ډیزاین د پروژې قرارداد د معدن په بدل کې د ۱۰۲ میلیونه افغانیو په ارزښت له افغان جرمن باختر شرکت سره لاسلیک شوی دی، چې د بند اساسي هدف د کرنیزو ځمکو خړوبول دي.
