لوګر ولایت کې د کهشان سربند پروژې چارې ۹۵ سلنه پرمخ تللې دي
د لوګر د اوبو او انرژي رئيس محترم ملا محمد اسماعیل آخندزاده او ورسره مل تخنیکي ټیم د دغه ولایت په څرخ ولسوالي کې د کهشان سربند پروژې د چارو له بهیر څخه څارنه وکړه او اړوندو مسؤلینو ته یې اړینې لارښوونې وکړې.
د نوموړې پروژې چارې چې د یو، این، ایف، اې، او موسسې په مالي لګښت د لوګر د اوبو او انرژي ریاست تر څارنې لاندې پرمخ وړل کېږي، تر اوسه پورې ۹۵ سلنه بشپړې شوې دي.
له بلې خوا، د لوګر د اوبو او انرژي ریاست تخنیکي ټیم د دغه ولایت په څرخ ولسوالي کې د ډبرشهید کلي د استنادي دېوال تخنیکي سروې ترسره کړه.
د نوموړې پروژې په پلي کېدو سره به لسګونه جریبه کرنیزه ځمکه د سیلاب له خطر څخه خوندي شي.
