د اوبو او انرژي وزیر صاحب د ارغندۍ د ۵۰۰ کیلوولټ سب‌سټېشن پروژې د پرمختګ وضعیت له نږدې وڅېړه

mew-admin
دوشنبه ۱۴۰۵/۵/۵ - ۱۵:۱۲
1

۱۴۴۸/۲/۱۲ هـ.ش | ۱۴۰۵/۵/۵ هـ.ق

د اوبو او انرژي وزیر محترم الحاج ملا محمد یونس آخندزاده  صاحب، د ارغندۍ د ۵۰۰ کیلوولټ سب‌سټېشن پروژې د کارونو د پرمختګ وضعیت له نږدې وڅېړه او څارنه یې ترې  وکړ.

محترم وزیر صاحب د دغې پروژې د پرمختګ له بهیر څخه د لیدنې پر مهال، د کابل ښار او شاوخوا ولایتونو لپاره د دوامدارې برېښنا د تأمین په برخه کې د دې پروژې اهمیت حیاتي وباله. نوموړي د پروژې د عملي چارو له ارزونې وروسته، د پاتې کارونو د ژر بشپړېدو او پر ټاکلي وخت د پروژې د ګټې اخیستنې پر اړتیا ټینګار وکړ.

د یادونې وړ ده، چې د ارغندۍ د ۵۰۰ کیلوولټ سب‌سټېشن پروژه د اوبو او انرژي وزارت له مهمو او بنسټیزو پروژو څخه ده، چې د هېواد د برېښنا د پراختیا او پیاوړتیا په موخه پلې کېږي. دغه سب‌سټېشن د ۴۰۰ مېګاولټ‌ـ‌امپېر د وېش ظرفیت لري او تر اوسه یې د عملي کارونو شاوخوا ۹۵ سلنه بشپړ شوي دي.

د دې سب‌سټېشن په بشپړېدو سره به د دشت‌خواجه الوان – ارغندۍ د ۵۰۰ کیلوولټ برېښنا لېږد مزي او ورسره د پنځو نورو اړوندو پروژو په ګټې اخیستنې سره له ترکمنستان هېواد څخه د ۱۰۰۰ مېګاواټه وارداتي برېښنا د لېږد او وېش زمینه برابره شي. دغه ستره پروژه به د هېواد د برېښنا شبکې په پیاوړتیا کې مهم رول ولوبوي او د کابل ښار په ګډون به د ۱۲ ولایتونو د برېښنا د کمښت ستونزه د پام وړ را کمه کړي.

تازه خبرونه

شنبه ۱۴۰۵/۸/۲۳ - ۱۴:۱۸
Background image

په تخار ولایت کې د آمو سیند څنډو د ټینګښت د نهم لاټ پروژې چارې ۴۰ سلنه بشپړې شوې دي

۱۴۴۸/۶/۳ هـ.ق مطابق ۱۴۰۵/۸/۲۳ هـ.ل

د آمو سیند څنډو د ټینګښت ریاست مسؤلینو د تخار ولایت د درقد ولسوالي په یتیم تپه سیمه کې د آمو سیند څنډو د ټینګښت د نهم لاټ پروژې د چارو له بهیر څخه. . .

شنبه ۱۴۰۵/۸/۲۳ - ۱۱:۵۰
Background image

په غزني ولایت کې د شینکي نو کاریز چکډیم پروژې د چارو له بهیر څخه څارنه وشوه

۱۴۴۸/۶/۳ هـ.ق مطابق ۱۴۰۵/۸/۲۳ هـ.ل

د غزني ولاړو اوبو سیندیزې فرعي حوزې ریاست مسؤلینو د غزني ولایت په ګیلان ولسوالي کې د شینکي نو کاریز چکډیم پروژې د ودانیزو چارو له بهیر څخه څارنه وکړه. . .

پنجشنبه ۱۴۰۵/۸/۲۱ - ۱۰:۲۹
Background image

د ارزګان ولایت د شفلوغ بند چارې شاوخوا ۳۶ سلنه بشپړې شوې دي

۱۴۴۸/۶/۱ هـ.ق مطابق ۱۴۰۵/۸/۲۱ هـ.ل

د ترینکوټ سیندیزې فرعي حوزې ریاست مسؤلینو د ارزګان ولایت په چنارتو ولسوالي کې د شفلوغ بند پروژې د چارو له بهیر څخه څارنه وکړه او د چارو پر لا ښه. . .

بیرته تګ

User account menu