غزني ولایت کې د سلطان بند د حفظ او مراقبت پروژې چارې شاوخوا ۳۸ سلنه پرمخ تللي
۱۴۴۸/۲/۱۲ هـ ق مطابق ۱۴۰۵/۵/۵ هـ ل
د غزني ولایت د ولاړو اوبو د فرعي سیندیزې حوزې رئیس، محترم مولوي عبدالغفار آخندزاده، ورسره مل تخنیکي ټیم په ملتیا د سلطان بند د حفظ او مراقبت پروژې د چارو له بهیر څخه لیدنه وکړه.
د یاد بند د حفظ او مراقبت پروژې چارې په بېلابېلو برخو کې روانې دي چې تر دې مهاله ۳۸ سلنه پرمخ تللې دي.
محترم مولوي عبدالغفار آخندزاده په ساحه کې اړوندو مسؤلینو ته د پروژې د ساختماني چارو د ښه کیفیت، معیاري تطبیق پرچټکتیا ټینګار وکړ او ویې ویل چې د سلطان بند د غزني ولایت ولسونو لپاره حیاتي ارزښت لري د پروژې چارې باید د ټاکلي مهال وېش سره سم بشپړې شي ترڅو د سیمې د اوسېدونکو ستونزې هوارې او د بند د دوامداره فعالیت زمینه برابره شي.
