د پنج آمو سیندیزې حوزې عمومي رئيس د کندز ولایت له یو شمېر قومي مشرانو او میرآب باشانو سره وکتل
د پنج آمو سیندیزې حوزې عمومي رئيس محترم مولوي عبدالحکیم حاجي حکمت د کندز ولایت د کنم، بوز، آلچین، حضرت سلطان او د چقر قشلاق سیمې له یو شمېر قومي مشرانو او میر آب باشونو سره وکتل.
په دغه لیدنه کې، د نوموړو سیمو قومي مشرانو او میرآب باشونو خپلې ستونزې او وړاندیزونه د پنج آمو سیندیزې حوزې له عمومي رئیس سره شریک کړل او د هوارولو غوښتنه یې وکړه.
په ورته مهال، د پنج آمو سیندیزې حوزې عمومي رئیس په دغه ناسته کې د نوموړو سیمو له مشرانو او میر آب باشانو سره د هغوی د ستونزو د هوارولو په برخه کې د همکاري ژمنه وکړه.
