د اوبو او انرژي وزارت د رهبرۍ غونډه د دغه وزارت په چارو کې د همغږي، انسجام او غوره والي په موخه ترسره شوه
دغه ناسته د اوبو او انرژي سرپرست وزیر محترم الحاج ملا عبداللطیف منصور تر رهبري لاندې د اوبو معین محترم مجیب الرحمن عمر آخندزاده، سلاکارانو او د اوبو او انرژي سکټورونو د رئيسانو په شتون کې ترشوه.
په دغه ناسته کې، د بېلابېلو اداري او تخنیکي موضوعاتو په هکله بحث او د اندونو تبادله وشوه او د غونډې ګډونوالو د هرې موضوع په هکله خپل معلومات او اندونه بیان کړل.
د ناستې د غړو د معلوماتو او اندونو تر ارزولو وروسته، د وزارت د رهبري مقام له لوري د چارو د انسجام او چټکتیا په موخه اړوندو مسؤلینو ته اړینې لارښوونې او سپارښتنې وشوې او اړین تصمیمونه ونیول شول.
