د اوبو او انرژي سرپرست وزیر د لوګر ولایت د جهادي مدرسې د علماوکرامو په فراغت غونډه کې ګډون وکړ

د اوبو او انرژي سرپرست وزیر محترم الحاج ملا عبداللطیف منصور د لوګر ولایت د جهادي مدرسې د علماو کرامو په فراغت غونډه کې ګډون وکړ او په اوسني شرایطو کې د دیني علومو د زده کړې او ارزښت او د علماو د مسؤلیت په هکله خبرې وکړې.

د اوبو او انرژي سرپرست وزیر په دغه فراغت غونډه کې له علماوکرامو څخه وغوښتل چې خپل مسؤلیتونه په ښه توګه ترسره او د اسلامي نظام د ټینګښت او د شریعت د پلي کېدو  په برخه کې له اسلامي امارت سره همکاري وکړي.

همدارنګه، د اوبو او انرژي سرپرست وزیر په نوموړي فراغت غونډه کې د اسلامي امارت د اقتصادي او سیاسي تګلارو په هکله هم خبرې وکړې او په دې هکله یې اړین معلومات وړاندې کړل.

همدغه راز، د اوبو او انرژي سرپرست وزیر د لوګر ولایت د اوبو او انرژي ریاست څخه لیدنه وکړه او د دغه ریاست کارمندانو ته یې د اړینو لارښوونو ترڅنګ، هغوی ته لارښوونه وکړه، چې خپل مسؤلیتونه په رښتینولي او صداقت سره ترسره کړي، ترڅو چارې له خنډ او ځنډ سره مخ نه‌شي.