د اوبو او انرژي سرپرست وزیر د غور له والي سره وکتل
د اوبو او انرژي سرپرست وزیر محترم ملا عبداللطیف منصور د خپل کار په دفتر کې د غور له والي محترم ملا احمد شاه دین دوست سره وکتل او په هغه ولایت کې یې د اوبو او انرژي پروژو د پلي کولو په هکله خبرې اترې وکړې.
په دغه لیدنه کې، د غور والي د هغه ولایت د خلکو د اوبو د کمښت او برېښنا انرژي ته د نه لاسرسي ستونزې د اوبو او انرژي وزارت له رهبري سره شریکې کړې او په هغه ولایت کې یې د اوبو او انرژي پروژو د پلي کولو غوښتنه وکړه.
د اوبو او انرژي سرپرست وزیر د غور والي ته ډاډ ورکړ، چې دغه وزارت خپلې ټولې هڅې په کار اچوي، ترڅو د شته امکاناتو په پام کې نیولو سره د هغه ولایت د خلکو ستونزو ته رسیدګي وشي.
