د انرژي معینیت اونیزه اداري او تخنیکي ناسته ترسره شوه
دغه ناسته د انرژي معینیت د غونډو د سرپرست او د پایدارې انرژي د عمومي رئيس محترم مولوي عزیزالله سهار تر مشري لاندې د دغه معینیت د رئيسانو، سلاکارانو او یو شمېر تخنیکي مسؤلینو په شتون کې ترسره شوه.
په دغه ناسته کې، رئيسانو د خپلو اړوندو ریاستونو د کړنو راپور وړاندې کړ او د خپلو کړنو او برنامو په هکله یې معلومات ورکړل.
همدارنګه، د ناستې په بهیر کې د نغلو د ۱۰ میګاواټه لمریزې برېښنا پروژې ګټې ته د سپارلو د چارو د انسجام او همغږي په هکله هم بحث او د اندونو تبادله وشوه او اړین تصمیمونه ونیول شول.
د انرژي معینیت د غونډو سرپرست د ریاستونو د راپورونو او په ناسته کې د نورو مطرح شوو موضوعاتو تر ارزولو وروسته، د چارو د غوره ترسره کولو او چټکتیا په موخه اړینې سپارښتنې وکړې.
