خوست ولایت کې د ۱۰ کاریزونو د بیارغونې او پاکاري چارې د اووه نیم میلیونه افغانیو په لګښت بشپړې او ګټې اخیستنې ته وسپارل شوې
د خوست ولایت د مرکز سربېره د اسماعیل خېلو، نادرشاه کوټ، موسی خېلو، صبري او باک ولسوالیو کې د ۱۰ کاریزونو د بیارغونې او پاکاري چارې د اووه نیم میلیونه افغانیو په لګښت بشپړې او ګټې اخیستنې ته وسپارل شوې.
د دغو پروژو د چارو په بشپړېدو سره زرګونه جریبه ځمکه خړوبه او د ځمکې لاندې اوبه پياوړي شي.
د نوموړو پروژو چارې د یونیسکو موسسې په مالي ملاتړ د خوست د اوبو او انرژي ریاست تر څارنې لاندې پرمخ وړل کېدې، چې پکې سلګونو کسانو ته د کار زمینه چمتو شوې وه.
