خوست ولایت کې د څلورو کاریزونو د پاکاري او بیارغونې چارې مخ پر بشپړېدو دي
د خوست ولایت د شمل- خرم سیندیزې فرعي حوزې رئيس محترم مولوي عبدالقیوم ثابت او ورسره مل تخنیکي ټیم د څلورو کاریزونو د پاکاري او بیارغونې د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
د صبریو ولسوالي اړوند د قسیم کاریز چارې ۸۰ سلنه، د کروړو کاریز چارې ۷۰ سلنه، د کاریزو کلي د کاریز چارې ۷۰ سلنه او د باک ولسوالي اړوند د مڼې کاریز چارې ۶۵ سلنه پرمخ تللې دي.
د نوموړو کاریزونو د پاکاري او بیارغونې چارې د یونیسکو موسسې په مالي لګښت د شمل- خرم سیندیزې فرعي حوزې تر څارنې لاندې پرمخ وړل کېږي.
