تخار ولایت کې د پنج آمو سیند د څنډو د تحکیماتو د لومړي لاټ(برخې) پروژې چارې ۷۰ سلنه بشپړې شوې دي
د تخار ولایت د ینګي قلعې ولسوالي په یتیم تپه کلي کې د پنج آمو سیند د څنډو د تحکیماتو د لومړۍ برخې پروژې چارې ۷۰ سلنه بشپړې شوې دي.
نوموړې پروژه د اوبو او انرژي وزارت له لوري یوه داخلي شرکت ته د(۳۳،۱۱۸،۵۴۴) درې دېرش میلیونه، یو سلو اته لس زره، پنځه سوه او څلور څلوېښت افغانیو په ارزښت په قرارداد ورکړل شوی، چې د چارو په بشپړېدو سره به یې ګڼ شمېر استوګنیزکورونه او بڼونه د پنج آمو سیند له ویجاړیو څخه خوندي شي او همدارنګه به سلګونه جریبه ځمکه د کرهڼې لپاره چمتو شي.
