د سترو پروژو د مدیریت لومړنۍ ناسته ترسره شوه
یاده ناسته، د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده د رئيسانو او د سترو پروژو د مدیرانو په شتون کې ترسره شوه.
په دې ناسته کې، د سترو پروژو د څېړنې په تړاو لکه د کمال خان بند پروژه، د شاه و عروس بند پروژه او د کجکي بند پروژې په هکله بحث او د نظر تبادله وشوه.
د ناستې غړو په پروژو کې شته ستونزې تر څېړنې لاندې ونیولې او د هغو د هوارولو په هکله یې خپل وړاندیزونه او اندونه په ناسته کې شریک کړل.
د اوبو ښاغلي معین د یادو موضوعاتو تر څېړلو،د رئيسانو او د پروژو مديرانو د اندونو تر آورېدلو وروسته ، رئيسانو او د پروژو مديرانو ته لازم هدایات ورکړل.
