د اوبو او انرژي وزارت د رهبري ناسته د دې وزارت د څو اړینو ادارې او تخنیکي موضوعاتو په هکله ترسره شوه
دا ناسته، د اوبو او انرژي وزارت د سرپرست وزیر ښاغلي ملا عبداللطیف منصور، د انرژي معین ښاغلي مولوي عارف الله عارف، د اوبو معین ښاغلي انجنیر مجیب الرحمن عمر آخندزاده، رئيسانو او د اوبو او انرژي وزارت یو شمېر مسؤلینو په ګډون ترسره شوه.
په دغه ناسته کې، د انرژي پروژو د پلي کیدو د یو شمېر مهمو موضوعګانو، په ساحو کې د اوبو او انرژي د تاسیساتو د ساتنې او پالنې لپاره د لازمو اقداماتو او د یو شمېر نورو مهمو ادارې او تخنیکي مسایلو په هلکه بحث او دنظر تبادله وشوه.
د اوبو او انرژي وزارت سرپرست وزیر په ناسته کې د مطرح شویو موضوعګانو تر څېړلو وروسته، د هغوی د اجراآتو لپاره لازم تصمیمونه ونیول او اړوندو مسؤلینو ته لازم هدایات ورکړل.
