د آسيا پراختيايي بانک له مسؤلينو سره د دهلې بند پراختيايي پروژې د چارو د چټکتیا په اړه جلسه ترسره شوه.
د آسيا پراختيايي بانک له مسؤلينو سره د دهلې بند پراختيايي پروژې د چارو د چټکتیا په اړه جلسه ترسره شوه.
د اوبو چارو د تنظيم ملي ادارې لوی رئیس انجنیر خان محمد تکل په داسې حال کې د آسيا پراختيايي بانک له مسؤلينو سره د دهلې بند چارو د چټکتیا په اړه په انلاين جلسه کې بحث او د نظرونو تبادله وکړه چې د پروګرامونو د مرکزي دفتر رئیس او د یادې پروژې مدير هم ګډون درلود.
په دې جلسه کې د اوبو چارو د تنظيم ملي ادارې لوی رئیس د تفصيلي ډيزاين، تدارکاتو او د دهلې بند د څارنې په موخه د يوې مشورتي کمپنۍ ګمارنې په اړه بحث وکړ. او د دې موضوع د چارو د چټکتيا په اړه يې ټينګار وکړ.
همدا شان د PCMO رئيس ښاغلي سادات د پروژې موجوده وضعيت په اړه د راپور وړاندې کولو ترڅنګ د کار چټکتیا او په نيږدې وخت کې د يوې مشورتي کمپنۍ له ګمارنې د جلسې ګډونوالو ته ډاډ ورکړ.
د اوبو چارو د تنظيم ملي اداره
