د شاه و عروس بند د استملاک ستونزې د حل په موخه د سیمې اوسیدونکو سره لیدنه
د اوبو د چارو د تنظیم ملي ادارې د کابل سیندیزې فرعي حوزې رئيسې انجنیر فومن فروغ د شاه و عروس بند د چارو جریان، څارنې او د استملاک متضررینو سره په شکردرې ولسوالۍ کې وکتل او خبرې یې ور سره وکړې.
په دغه لیدنه کې د کابل ولايت محترم والي، د ښار جوړولو او ځمکو وزارت معین، د کابل ولایت د ښارجوړولو او ځمکو ریاست د استملاک رئيس او غړو او د منځني کابل سیندیزې حوزې رئيس ګډون درلود.
اغلې فروغ د ښارجوړولو او ځمکو وزارت او د کابل ولایت مسؤلینو سره د شکردرې ولسوالۍ اوسیدونکی ته ډاډ ورکړ چې د اړونده ادارو لخوا به په ۱۵ ورځو کې به د بند د استملاک ستونزه حل شي.
د اوبو د چارو د تنظیم ملي اداره
