میدان وردګ ولایت کې د یوه چکډم چارې ۹۵ سلنه پرمخ تللې او د څښاک اوبو دوه کړۍ څاګانې ګټې اخیستنې ته وسپارل شوې
د میدان وردګ سیندیزې حوزې رئيس محترم مولوي عبدالصمد حلیم او ورسره مل تخنیکي ټیم د ميدان وردګ ولایت د بهسود ولسوالي د السنګ کلي د چکډم د چارو له بهیر څخه څارنه وکړه او د څښاک اوبو دوه څاګانې يې د یو شمېر سیمه ییزو مسؤلینو په شتون کې ګټې اخیستنې ته وسپارلې.
نوموړی چکډم د درې نیم میلیونه افغانیو په ارزښت د ۴.۵ مترو په لوړوالي جوړيږي چې د ۳۴زره متره مکعب اوبو د ذخیره کولو وړتیا لري او چارې یې ۹۵ سلنه پرمخ تللې او ډېر ژر به ګټې اخیستنې ته وسپارل شي.
په ورته مهال، د میدان وردګ سیندیزې حوزې تر څارنې لاندې د یوه خیریه بنسټ له خوا کېندل شوې دوه کړۍ څاګانې چې ۷۲ کورنیو ته د څښاک اوبه برابروي، هم ګټې اخیستنې ته وسپارل شوې.
