د شمال ختیځ زون د پنجآمو حوزوي لوی ریاست رئیس، الحاج مولوي عبدالحکیم حاجي حکمت، د اوبو او انرژي وزارت د مالي، حسابې او تدارکاتي پلټنو له پلاوي سره ناسته وکړه.
په غونډه کې حاجي حکمت پلاوي ته ښه راغلاست ووایه او د دوی د ارزونې له بهیر سره یې د بشپړې همکارۍ ډاډ ورکړ. هغه د یاد اقدام هرکلی وکړ او څرګنده یې کړه چې دا ډول پلټنې د حساب ورکونې، شفافیت، د ادارې د چارو د سمون او پرمختګ لپاره خورا مهمې دي. پلاوي د حوزې د مالي، حسابي، تدارکاتي، وظیفوي او عادي بودیجې د ارزونې بهیر پیل کړ.
