اوبو معینیت کې د اوبو او انرژي سکتورونو پورې اړوندو طرحو، وړاندیزونو او ننګونو د ارزونې او اقتصادي کمېسیون ته یې د راجعکولو په تړاو غونډه ترسره شوه
18/10/1404 هـ ل
د اوبو او انرژي سکتورونو پورې اړوندو طرحو، وړاندیزونو او ننګونو د څېړنې او ارزونې په موخه د همغږي ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د وزارت مقام د سلاکارانو او د اوبو او انرژي سکتورونو د ټولو رئيسانو په شتون کې ترسره شوه.
د اوبو محترم معین د دغې ناستې ترسره کول په چارو کې د سمون او همغږي د پياوړتیا، د طرحو او وړاندیزونو د څېړلو، د شته فرصتونو او ننګونو پېژندنه او د اوبو او انرژي سکتورونو د مدیریت غورهوالی او پراختیا وبلل.
د ناستې په دوام کې، د اوبو او انرژي سکتورونو رئيسانو هر یوه په خپل وار سره د چوپړتیاوو وړاندې کولو، اړوندو سکتورونو کې د څېړنیزو مرکزونو رامنځتهکولو، د اړینو امکاناتو چمتوکولو، د همغږي زیاتوالي او د کارمندانو د وړتیا لوړونې په برخه کې خپل اندونه او وړاندیزونه وړاندې کړل.
د یادونې وړ ده، چې مطرح شوې موضوعات به تر هر اړخیزې څېړنې وروسته، د اوبو او انرژي سکتورونو د لا پراختیا او شته ستونزو د هوارولو په موخه د افغانستان اسلامي امارت اقتصادي کمېسیون ته د وروستي تصمیم نیونې په موخه راجع شي.
