کندهار ولایت کې د یوه چکډم جوړولو چارې د څه باندې څلور میلیونه افغانیو په لګښت پیل شوې
د کندهار ولایت د ارغستان ولسوالي د پای کاریز په کلي د کندهار ولایت د یوه چکډم جوړولو چارې د ۴ میلیونه، ۶۰۱ زرو او ۸۳۸ افغانیو په لګښت د کندهار ولایت د اوبو او انرژي رئيس محترم ملا سید محمد شرافت او یو شمېر قومي مشرانو په شتون کې پیل شوه.
نوموړی چکډم د ۲۳ متره په اوږدوالي او ۸.۳۵ متره په لوړوالي سره جوړیږي، چې د ۲۲ زره متره مکعب اوبو د زېرمه کولو وړتیا به ولري.
د دغه چکډم د چارو په بشپړېدو سره به د ځمکې لاندې اوبو کچه پورته او د اوبو په برخه کې د نوموړي کلي د کروندګرو ستونزې هوارې شي.
د دغې پروژې چارې د افغانستان اسلامي امارت په مالي لګښت د کندهار ولایت د اوبو او انرژي ریاست تر څارنې لاندې پرمخ وړل کېږي او چارې به یې د څلورو میاشتو په موده کې بشپړې او ګټې اخیستنې ته وسپارل شي.
