کاپیسا ولایت کې د قل بابر سربند ودانیزې چارې ۶۰ سلنه پرمخ تللې دي
د کاپیسا ولایت د اوبو او انرژي ریاست مسؤلینو د قل بابر سربند د ودانیزو چارو له بهیر څخه څارنه وکړه او اړوندو مسؤلینو ته د چارو د غوره پرمخ وړلو په موخه اړینې لارښوونې وکړې.
د نوموړې پروژې ودانیزې چارې تر اوسه پورې ۶۰ سلنه پرمخ تللې دي.
له بلې خوا، د کاپيسا ولایت په نجراب ولسوالي کې د خارجدرې شیرواني کانال چې د ۴۰۰ هکتاره کرنیزې ځمکې د خړوبولو وړتیا لري، د یوه عمومي حشر په ترڅ کې د کاپيسا ولایت د اوبو او انرژي ریاست تر څارنې لاندې پاکاري شو.
