په سمنګان ولایت کې د سولې کارتې سیمې د تحکیماتي دېوال پروژې چارې ۴۰ سلنه بشپړې شوې دي
۱۴۴۸/۵/۲۷ هـ.ق مطابق ۱۴۰۵/۸/۱۷هـ.ل
د خلم – ایبک سیندیزې فرعي حوزې ریاست مسؤلینو د ایبک ښار اړوند د سولې کارتې سیمې د تحکیماتي دېوال پروژې د چارو له بهیر څخه څارنه وکړه او د تخنیکي معیارونو پر رعایتولو او د ودانیزو چارو پر غوره کیفیت باندې ټینګار وشو.
د یادې پروژې چارې د ۷ میلیونه، ۱۲۵ زره او ۴۰۳ افغانیو په لګښت د اوبو او انرژي وزارت له پراختیایي بودجې څخه پرمخ وړل کېږي، چې تر اوسه پورې چارې یې ۴۰ سلنه بشپړې شوې او ګټې ته په سپارلو سره به یې ۲۰۰۰ کورنۍ د سېلاب له خطر څخه خوندي شي.
