په ارزګان ولایت کې د اوبو لګولو دوه پروژې د څه باندې پنځه سوه زره ډالرو په ارزښت ګټې اخیستنې ته وسپارل شوې
د ارزګان ولایت د مرکز، ترینکوټ اړوند د سرې کلا چکډم او د یک لنګې سیمې د ګبیون چارې د (۵۰۰۴۵۴) پنځه سوه زره، څلور سوه او څلور پنځوس آمریکایي ډالرو په ارزښت د ارزګان مرستیال والي محترم ملا باري ګل آخند، د ترینکوټ سیندیزې فرعي حوزې رئيس محترم ملا وکیل احمد نقي، د FAO سازمان مسؤل ریچارډ ټرانچرډ او یو شمېر سیمه ییزو مسؤلینو په شتون کې ګټې اخیستنې ته وسپارل شوې.
د نوموړو پروژو د ګټې اخیستنې پر مهال د یاد سازمان مسؤل څرګنده کړه، چې د اوبو د سطحي د لوړولو لپاره په پام کې لري، چې د ۷۰۰ نورو کوچنيو چکډمونو پروژې پلې کړي.
د دغو پروژو چارې د FAO سازمان په مالي ملاتړ د ترینکوټ سیندیزې فرعي حوزې تر څارنې لاندې پرمخ وړل کېدې.
