لغمان ولایت کې د بدیع الاباد کانال چارې ۹۵ سلنه بشپړې شوې دي
د لغمان د اوبو او انرژي رئيس محترم مولوي شیرجان راشدي او ورسره مل د دغه ریاست تخنیکي سلاکار د بدیع الاباد کانال د چارو له بهیر څخه څارنه وکړه او اړوندو مسؤلینو ته یې د چارو د لا غوره کیفیت په موخه اړینې لارښوونې کړې.
د نوموړي کانال چارې د ۳۵۰ زره آمریکایي ډالرو په لګښت د اېف، اې، او موسسې په مالي لګښت د لغمان د اوبو او انرژي ریاست تر څارنې لاندې پرمخ وړل کېږي، چې او سمهال ۹۵ سلنه بشپړې شوې دي.
دغه کانال چې ۷ کیلو متره اوږدوالی لري، د چارو په بشپړېدو سره به یې ۴۰۰۰ جریبه ځمکه خړوبه شي.
