فاریاب ولایت کې د یو شمېر خپلسرو نیمه ژورو څاګانو د کېندلو مخنیوی وشو
د فاریاب ولایت د اوبو او انرژي ریاست مسؤلینو د خواجه موسی ولسوالي په بېلابېلو سیمو کې د یو شمېر خپلسرو نیمه ژورو څاګانو د کېندلو مخنیوی وکړ او د څاهکېندونکو ماشینونه ئې مهر او لاک کړل.
د نوموړي ریاست مسؤلینو څاه کېندونکو ته لارښوونه وکړه، چې د ژورو او نیمه ژورو څاګانو د کېندلو په موخه دې له نوموړي ریاست څخه د فعالیت جواز ترلاسه کړي.
