فاریاب ولایت کې د څلورو کانالونو د جوړونې او پاکاري پروژه د څه باندې ۱۵۰ زره آمریکایي ډالرو په لګښت بشپړه شوه
د فاریاب ولایت په خواجه سبز پوش او شیرین تګاب ولسوالیو کې د قره شیخي، خواجه سبز پوش، جانقرې او جر کلا د کانالونو د جوړونې او پاکاري پروژه د ۱۵۳ زره آمریکایي ډالرو په لګښت بشپړه او ګټې اخیستنې ته وسپارل شوه.
د نوموړو کانالونو جوړونه او پاکاري د کرنیزو ځمکو د خړوبولو، د سیلابونو د شوني تاوانونو د مخنیوي او د اوبو د بهیر په موخه ترسره شوه.
نوموړې پروژه د ایف، اې، او موسسې په مالي لګښت د فاریاب د اوبو او انرژي ریاست تر څارنې لاندې تطبیق شوه.
