د کندز ولایت یو شمېر قومي مشرانو د اوبو په برخه کې خپلې ستونزې د پنج آمو عمومي حوزوي رئيس سره شریکې کړې
ّد پنج آمو عمومي حوزوي رئيس محترم الحاج مولوي عبدالحکیم حاجي حکمت د کندز ولایت د دشت ارچې له ولسوال محترم مولوي عصمت الله اسامه او د نوموړې ولسوالي له یو شمېر قومي مشرانو سره وکتل.
په دغه لیدنه کې، د نوموړې ولسوالي قومي مشرانو د اوبو په برخه کې خپلې ستونزې او وړاندیزونه له ښاغلي حاجي حکمت سره شریک او ورته د رسیدګي غوښتنه وکړه.
په ورته مهال، د پنج آمو عمومي حوزوي رئيس د نوموړې ولسوالي له قومي مشرانو سره ژمنه وکړه، چې د اوبو په برخه کې به د دوی ستونزو ته رسیدګي وشی.
