د کابل سیندیزې حوزې عمومي رئیس میدان وردګ ولایت ته سفر وکړ
د کابل سیندیزې حوزې عمومي رئیس انجینر حبیب الرحمن حقپال او ورسره مل تخنیکي ټیم میدان وردګ ولایت ته سفر وکړ او د سفر په ترڅ کې یې د یاد ولایت د سیندیزې حوزې د چارو او یو شمیر تر کارلاندې پروژو څخه لیدنه ترسره کړه.
همدارنګه، د کابل سیندیزې حوزې عمومي رئیس د میدان ښار فرعي سیندیزې حوزې رئیس مفتي عبدالصمد حلیم په ملتیا د یاد ولایت د امیر کلي چکډم، میا کانال، اوخي کانال، خواجه عمري سربند او حیدرخیل سربند د چارو له بهیر څخه لیدنه وکړه او د چارو د ښه ترسره کولو په موخه یې اړونده مسئولینو ته د اړتیا وړ لارښوونې وکړې.
