د اوبو او انرژي وزارت د مالي او اداري چارو د پلټنې په موخه د څارنې ، احکامو او فرامینو د تعقیب عمومي ریاست له پلاوي سره د همغږي ناسته ترسره شوه
دغه ناسته د اوبو معین محترم مجیب الرحمن عمر آخندزاده، د څارنې، احکامو او فرامینو عمومي ریاست د پلټنې برخې د پلاوي، د اوبو او انرژي وزارت د مالي او اداري عمومي رئيس او د دغه وزارت د یو شمېر نورو رئيسانو په شتون کې د اوبو معینیت په دفتر کې ترسره شوه.
په دغه ناسته کې، د دواړو لورو ترمنځ د اوبو او انرژي وزارت د مالي او اداري چارو د پلټنې په برخه کې د همکاري او همغږي په هکله بحث او د اندونو تبادله وشوه.
د اوبو محترم معین نوموړي پلاوي ته د دغه وزارت له لوري د هر ډول همکاري ډاډ ورکړ او اړوندو رئيسانو ته یې د چارو د پرمخ وړلو په موخه د اړینو آسانتیاوو د رامنځته کولو په موخه اړینې سپارښتنې وکړې.
