د اوبو او انرژي سرپرست وزیر د خوست ولایت له مخورو سره د اوبو او برېښنا پروژو په هکله خبرې اترې وکړې
د اوبو او انرژي سرپرست وزیر محترم الحاج ملا عبداللطیف منصور خوست ولایت ته د خپل سفر په ترڅ کې د یاد ولایت له یو شمیر مخورو سره وکتل او په دغه ولایت کې یې د اوبو او انرژي پراختیایې پروژو په هکله بحث او د اندونو تبادله وکړه.
په دغه لیدنه کې د یاد ولایت مخورو خپلې ستونزې او وړاندیزونه د اوبو او انرژي وزارت له رهبري مقام سره شریکې کړې او د پراختیایې پروژو د پلي کولو غوښتنه وکړه.
د اوبو او انرژي سرپرست وزیر هم د شته امکاناتو په پام کې نیولو سره ددوی ستونزو ته د رسیدګي ډاډ ورکړ.
