د انرژي معینیت اونیزه تخنیکي او اداري ناسته ترسره شوه
دغه ناسته د انرژي معین محترم الحاج ملا عبدالهادي یعقوب تر رهبري لاندې د مقام دفتر عمومي رئيس محترم قاري محمد عبدالعزیز عزیز، د تدارکاتو رئيس محترم مولوي عزیزالله سهار، د انرژي سکتور رئيسانو، سلاکارانو او یو شمېر تخنیکي مسؤلینو په شتون کې نن، سه شنبه، د روان لمریز کال د زمري په ۲۱ نېټه د دغه معینیت د غونډو په تالار کې ترسره شوه.
په دغه ناسته کې، د انرژي په سکتور کې د اړینو موضوعاتو لکه د انرژي پنځه کلن پراختیايي پلان نوي کولو او د هېواد د انرژي ماستر پلان د بیاکتنې او نوي کولو او د اوبو او انرژي په پروژو کې د ملګرو ملتونو د پراختیایي پروګرام(یو، این، ډي، پي) لپاره د همکاري په موخه د اړینو همغږیو زمینې چمتوکولو اړوندو چارو د پرمختګ په هکله بحث او د اندونو تبادله وشوه.
مسؤلو کمېټو او نورو تخنیکي مسؤلینو د نوموړو موضوعاتو د وضعیت د پرمختګ په هکله معلومات وړاندې کړل او تر هر اړخیزو څېړلو وروسته، د نورو اقداماتو لپاره اړین تصمیمونه ونیول شول.
