د افغانستان لپاره د ناروي کميټه په کاپيسا ولایت کې د ۶۰ کرنیزو کانالونو د جوړولو،بیارغونې او پاکاري پروژه د "بیړنۍ خوراکي خوندیتوب پروژې" تر پوښښ لاندې راولي
د کاپيسا سیندیزې فرعي حوزې رئيس ښاغلي انجنیر کاوه خروش د کاپيسا ولایت لپاره د ناروي کمیټې د پروژو د همغږي کوونکي سره وکتل.
په یاده لیدنه کې، د کاپيسا ولایت لپاره د ناروي کمیټې د پروژو همغږي کوونکي د " بیړنۍ خوارکي خوندیتوب پروژې" په هکله چې دغه حوزه هم پکې شامله ده، د کاپيسا سیندیزې فرعي حوزې رئيس ته هر اړخیزمعلومات وړاندې کړل.
د کاپیسا سیندیزې فرعي حوزې رئيس په یاده لیدنه کې څرګنده کړه، چې دغه حوزه به د ۶۰ کانالونو د جوړولو، بیارغونې او پاکاري پروژه د نجراب، تګاب او آله سای ولسوالیو کې د یاد پروګرام له لارې تر پوښښ لاندې راولي او د نوموړي کمیټې له استازي سره یې په دې برخه کې د هر راز همکاري ژمنه وکړه.
همدغه راز، د کاپيسا سیندیزې فرعي حوزې رئيس د اوبو او انرژي وزارت د اوبو معینیت له تخنیکي پلاوي سره چې یاد ولایت ته یې د صیاد ساحې د اوبو د وضعیت(اکویفر) د مطالعې په موخه سفر کړی، لیدنه وکړه.
ټاکل شوې ده، چې یاد پلاوي د ځمکې لاندې او سطحي اوبو زیرمې په کاپيسا ولایت کې د شته اسټیشنونو په پام کې نیولو سره تثبیت کړي او همدارنګه د پنجشیر سیند د اوبو سرچینو اقتصادي او ټولنیزه تحلیل ( د کاپیسا په ساحه کې) هم وټاکي.
