بغلان ولایت کې د څلورو پروژو چارې د اوبو او انرژي وزارت د اوبو معین په شتون کې پيل شوې
بغلان ولایت کې د څلورو پروژو چارې چې ۱۵۰ متره استنادي دیوال د جوړولو ، رغولو او د کانالونو پاکاري پکې شامله ده د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده، د پنج آمو سیندیزې حوزې عمومي رئيس ښاغلي انجنیر رفیع الله مجتبی، د بغلان سیندیزې فرعي حوزې رئيس، د بغلان ولایت د مقام د دفتر رئيس او د هغه ولایت د یو شمېر نورو محلي مسؤلینو په شتون کې پرانیستل شوې او چارې یې پيل شوې.
په ورته مهال، د اوبو او انرژي وزارت د اوبو معین د بغلان سیندیزې فرعي حوزې د بېلابېلو څانګو څخه لیدنه وکړه او مسؤلینو ته یې د چارو د ښه پرمخ وړلو لپاره لازم هدایات ورکړل.
د یادولو وړ ده، چې د دې وزارت د اوبو معین د هېواد شمالي ولایتونو ته د خپل سفر په ترڅ کې په تخار ولایت کې د نمک آب پروژې، د بدخشان ولایت د شورابک برېښنا بند او یو شمېر نورو پروژو څخه لیدنه ترسره کړې او د چارو پر چټکتیا باندې یې ټینګار کړی دی.
