زابل او ارزګان ولایتونو کې د برېښنا شبکو د فعالیتونو څارنه او ارزونه ترسره شوه
د اوبو او انرژي وزارت د برېښنا مارکیټ سوداګریز ریاست استازي محترم انجنیر حامد یارمل او ورسره مل تخنیکي ټیم زابل او ارزګان ولایتونو ته د خپل سفر پر مهال د برېښنا شبکو د فعالیتونو څارنه او ارزونه ترسره کړه.
همدارنګه، نوموړو مسؤلینو د زابل د اوبو او انرژي له رئيس محترم ملا عبدالکریم ذوالفقار سره هم وکتل او د نوموړې موضوع په هکله بحث او د اندونو تبادله وکړه.
