د اوبو او انرژي وزیر صاحب د هلمند او کندهار ولایتونو له بېلابېلو پروژو څخه لیدنه وکړه
۱۴۴۸/۴/۲۲هـ ق، مطابق ۱۴۰۵/۷/۱۳هـ ل
د اوبو او انرژي وزیر محترم الحاج ملا محمد یونس آخندزاده صاحب، د اوبو معین محترم مجیبالرحمن آخندزاده، د هلمند سیندیزې حوزې عمومي رئیس قاري عبدالهادي، د وزارت یو شمېر رئیسانو او تخنیکي ټیم په ملتیا، د هلمند ولایت د نهرسراج کانال له بېلابېلو برخو څخه لیدنه وکړه.
په دې لیدنه کې د کانال اوسنی وضعیت او د روانو چارو د پرمختګ بهیر له نږدې وڅېړل شو او د چارو د لا ښه والي او چټکتیا په موخه اړوند قراردادي شرکت او انجینرانو ته لازمې لارښوونې او سپارښتنې وشوې.
د یادونې وړ ده چې د نهرسراج کانال د جوړولو چارې تر دې مهاله شاوخوا %۴۱ سلنه فزیکي پرمختګ لري.
همداراز، د محترم وزیر صاحب په مشرۍ یاد پلاوي د کندهار ولایت د میوند ولسوالۍ د تیمور کانال له سربند څخه لیدنه وکړه. ورته مهال د یاد کانال روانې چارې له نږدې وڅارل شوې، د کار د پرمختګ بهیر وارزول شو او د پروژې مسؤلینو او د قراردادي شرکت استازو ته د چارو د لا ښه والي او پر وخت بشپړولو په اړه لازمې لارښوونې وشوې.
د تیمور کانال د جوړولو چارې تر دې مهاله شاوخوا %۲۵ سلنه فزیکي پرمختګ لري.
همدا راز محترم وزیر صاحب او یاد پلاوي د کندهار ولایت د ژېړۍ او پنجوايي ولسوالیو ترمنځ د يوه لوي پُل چې څه موده وړاندي يې چاري پيل شوي هم لیدنه وکړه.
د اوبو او انرژي محترم وزیر صاحب د یادې پروژې د چارو د پرمختګ بهیر له نږدې وڅېړه او د پروژې مسؤلینو ته یې د چارو د لا ښه والي، چټکتیا او پر وخت بشپړولو په موخه لازمې لارښوونې او سپارښتنې وکړې.
