پروان ولایت کې د یو باب ترناب او سیفون د بیا رغونې، د محافظتي دېوالونو د جوړونې او پاکاري چارې بشپړې او ګټې اخیستنې ته وسپارل شوې
د پروان ولایت د مرکز اړوند په جنګل باغ سیلبر او بالاغیل سیمو کې د یو باب ترناب او سیفون د بیا رغونې، د محافظتي دېوالونو د جوړونې او پاکاري چارې بشپړې او د پروان والي محترم شیخ عزیز الرحمن منصور، د غوربند – چاریکار سیندیزې فرعي حوزې رئيس محترم مولوی عبدالشکور سروري او یو شمېر نورو سیمهایزو مسؤلینو په شتون کې ګټې اخیستنې ته وسپارل شوې.
د نوموړو پروژو ګټې ته د سپارلو پر مهال د پروان والي وویل، چې د خلکو ستونزو او ننګونو ته رسېدنه د حکومت په لومړیتوبونو کې ده او ژمنه یې وکړه، چې د پروان ولایت د بیا رغونې او پراختیا په برخه کې به لا زیاته همکاري وکړي.
د نوموړو پروژو ګټې ته په سپارلو سره به سلګونه استوګنیز کورونه، لارې، پل، پلګوټي او د پروان پروژې عمومي کانال د سېلابونو له ګواښونو څخه خوندي شي.
د نوموړو پروژو چارې د اوبو د ګټې اخیستونکو ټولنو په مالي لګښت د غوربند – چاریکار سیندیزې فرعي حوزې د ماشینري، ترانسپورټي وسایطو او تخنیکي کارمندانو په همکاري پرمخ وړل کېدې.
