د آمو سیند څنډو د ټینګښت رئيس او د شمال سينديزې حوزې عمومي رئیس د بلخ له والي سره وکتل
د آمو سیند څنډو د ټینګښت رئيس محترم مولوي وکیل احمد نقي او ورسره مل پلاوي بلخ ولایت ته سفر وکړ او د دغه ولایت له والي محترم الحاج ملا محمد يوسف وفا سره یې په داسې حال کې وکتل چې د شمال سينديزې حوزې عمومي رئیس محترم انجنیر رفيع الله مجتبى هم شتون درلود.
په دغه لیدنه کې، ښاغلي نقي په بلخ ولایت کې د دغه ریاست د مسؤلیتونو، راتلونکو پلانونو او اړوندو چارو په هکله اړین معلومات وړاندې کړل او همدارنګه په شورتيپې ولسوالي کې د آمو سیند د ویجاړیو په اړه معلومات ورکړل شول.
په ورته مهال، د بلخ والي په دغه لیدنه کې د همکاري ډاډ ورکړ.
ټاکل شوې ده، چې په شورتیپې ولسوالي کې د آمو سيند د ویجاړیو د مخنیوي بیړنۍ پروژې په نږدې راتلونکي کې د ولایت مقام، د آمو سيند څنډو د ټینګښت رياست او د سيمې د خلکو په ګډه همکاري پيل شي.
د یادونې وړ ده، چې د شمال سیندیزې حوزې عمومي رئيس هم د اړتیا په صورت کې د همکاري ژمنه وکړه.
