د کندز او بدخشان ولایتونو د ځمکې لاندې اوبو زېرمو د کیفیت د ارزونې په هکله خبرې، اترې وشوې
د پنج آمو عمومي حوزوي رئيس محترم مولوي عبدالحکیم حاجي حکمت د اوبو او انرژي وزارت د اوبو سرچینو د لابراتوار او څېړنو ریاست له تخنیکي ټیم سره وکتل او د کندز او بدخشان ولایتونو د ځمکې لاندې اوبو زېرمو د کیفیت د ارزونې په هکله بحث او د اندونو تبادله وکړه.
په دغه لیدنه کې، ښاغلي حاجي حکمت د اوبو او انرژي وزارت تخنیکي ټیم ته د نوموړې موضوع په تړاو د هر راز همکاري ډاډ ورکړ.
