پکتیا ولایت کې د دوو هایدرولوژي سټیشنونو د ساتنې او پاملرنې د چارو له بهیر څخه څارنه وشوه
د پکتیا ولایت د اوبو او انرژي رئيس محترم مولوي محمد کریم فاتح او ورسره مل ټیم د سټو کنډو او تیرې کوتل هایدرولوژي سټیشنونو د ساتنې او پاملرنې چارو له بهیر څخه څارنه وکړه او اړوندو مسؤلینو ته یې د چارو د غوره کیفیت او چټکتیا په موخه اړینې لارښوونې وکړې.
د یادونې وړده، چې پکتیا ولایت کې د سټو کنډو، تیرې کوتل او میرزکې هایدرولوژي سټیشنونو د ساتنې او پاملرنې چارې د اوبو او انرژي وزارت له بودجې د ۳۳ زره، 8 سوه او لس افغانیو په لګښت پرمخ وړل کېږي او چارې به یې د شپږو اونیو په ترڅ کې بشپړې شي.
